«Кітап – атадан қалған асыл мұра»

Х.Әлімжан атындағы № 85 жалпы орта білім беретін мектебі

«Дәстүр мен ғұрып» жобасы бойынша Шымкент қаласының  ұлттық-мәдени обьектілеріне бару; кітапханаға саяхат жоспарланған болатын. Аталған іс-шараны іске асыру мақсатында мектеп кітапханашысы Ж. Құрманова, 3 «А»,  3 «Ә» сынып жетекшілері Н.Ө.Өмірзақова, М.А. Абилова оқушылармен бірге Шымкент қаласы Әл-Фараби кітапханасына саяхат жасады. 

Мақсаты: Кітапхана өмірімен таныстыру, білімнің кітап арқылы берілетіндігін ұғындыру, оқушылардың дүниетанымын кеңейту, кітап оқуға деген қызығушылықты арттыру, оны күтіп ұстауға үйрету. 

         «Кітап – атадан қалған асыл мұра, көненің көзі» дегендей Әл-Фараби кітапханасы  «Ақерке» залының меңгерушісі Мамытбекова Ботагөз ханым балаларды «Оқу залы», «Абонемент залы», «Оқырман формуляры» деген ұғымдармен таныстырды. Сондай-ақ балалар Әл Фараби өмірінен көптеген  мағлұмат алып, керемет әсерде болды. Оқырман өзін қызықтырған кітаптарды   сенбі,   жексенбі  күндері де алып оқи алатынын ата-аналарға айтқымыз келеді.